- ರೆನಾಲ್ಟ್ ತನ್ನ ನವೀಕೃತ 2025ರ 7-ಸೀಟರ್ ಟ್ರೈಬರ್ ಕಾರನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ
- ಇದು 6 ಏರ್‌ಬ್ಯಾಗ್‌ಗಳು, ESP, TPMS ಸೇರಿದಂತೆ 21 ಸುರಕ್ಷತಾ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ
ಮಧ್ಯಮ ವರ್ಗದ ಕುಟುಂಬಗಳಿಗೆ ಹೇಳಿ ಮಾಡಿಸಿದ, ಪಾಕೆಟ್-ಫ್ರೆಂಡ್ಲಿ 7-ಸೀಟರ್ ಕಾರು ಯಾವುದು ಎಂದು ನೀವು ಯೋಚಿಸುತ್ತಿದ್ದರೆ, ಇಲ್ಲಿದೆ ನಿಮಗೆ ಒಂದು ಸಿಹಿ ಸುದ್ದಿ! ಫ್ರೆಂಚ್ ಕಾರು ತಯಾರಕ ಕಂಪನಿಯಾದ ರೆನಾಲ್ಟ್ (Renault), ತನ್ನ ಅತ್ಯಂತ ಜನಪ್ರಿಯ ಮತ್ತು ಕೈಗೆಟುಕುವ 7-ಸೀಟರ್ ಫ್ಯಾಮಿಲಿ ಕಾರು, 2025ರ ನವೀಕೃತ ರೆನಾಲ್ಟ್ ಟ್ರೈಬರ್ (Renault Triber) ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಈ ಬಾರಿ, ಟ್ರೈಬರ್ ಕೇವಲ ಹೊಸ ರೂಪವನ್ನು ಪಡೆದುಕೊಂಡಿಲ್ಲ, ಬದಲಿಗೆ ಹಲವು ಅತ್ಯಾಧುನಿಕ ವೈಶಿಷ್ಟ್ಯಗಳೊಂದಿಗೆ ಪಾದಾರ್ಪಣೆ ಮಾಡಿದೆ!
2025ರ ರೆನಾಲ್ಟ್ ಟ್ರೈಬರ್: ಅಗ್ಗದ ದರದಲ್ಲಿ 7 ಸೀಟರ್ ಫ್ಯಾಮಿಲಿ ಕಾರು ಬಿಡುಗಡೆ!
ಹೊಸ 2025ರ ರೆನಾಲ್ಟ್ ಟ್ರೈಬರ್ ವಿನ್ಯಾಸದಲ್ಲಿ ಗಮನಾರ್ಹ ಬದಲಾವಣೆಗಳನ್ನು ಪಡೆದುಕೊಂಡಿದೆ. ಇದು ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾದ ಮುಂಭಾಗದ ಗ್ರಿಲ್‌ನೊಂದಿಗೆ ಹೆಚ್ಚು ಆಕರ್ಷಕವಾಗಿ ಕಾಣುತ್ತದೆ. ಇದರ ಮಸ್ಕುಲರ್ ಬಾನೆಟ್, ರಿಫ್ರೆಶ್ ಮಾಡಿದ ಬಂಪರ್, ಸಂಯೋಜಿತ LED DRL ಗಳೊಂದಿಗೆ ಹೊಸ LED ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳು ಮತ್ತು ಹೊಸ LED ಫಾಗ್ ಲ್ಯಾಂಪ್‌ಗಳು ಕಾರಿಗೆ ಪ್ರೀಮಿಯಂ ಲುಕ್ ನೀಡಿವೆ.
ಕಾರಿನ ಹೊರಭಾಗ ಮಾತ್ರವಲ್ಲ, ಒಳಾಂಗಣವೂ ಕೂಡ ಸಾಕಷ್ಟು ಅಪ್‌ಡೇಟ್ ಆಗಿದೆ. ಸ್ಟೈಲಿಶ್ ಡ್ಯುಯಲ್-ಟೋನ್ ಡ್ಯಾಶ್‌ಬೋರ್ಡ್‌ನೊಂದಿಗೆ ನವೀಕರಿಸಲಾಗಿದ್ದು, ಇದು ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಸಪೋರ್ಟ್ ಮಾಡುವ 8-ಇಂಚಿನ ಫ್ಲೋಟಿಂಗ್ ಟಚ್‌ಸ್ಕ್ರೀನ್ ಹೊಂದಿದೆ. ಇಂಟೀರಿಯರ್‌ನಲ್ಲಿ ಹೊಸ ಸೀಟ್ ಅಪ್ಹೋಲ್ಸ್ಟರಿ, ಆಧುನಿಕ LED ಇನ್ಸ್ಟ್ರುಮೆಂಟ್ ಕ್ಲಸ್ಟರ್, LED ಕ್ಯಾಬಿನ್ ಲೈಟಿಂಗ್ ಮತ್ತು ಪ್ರೀಮಿಯಂ ಬ್ಲಾಕ್-ಔಟ್ ಡೋರ್ ಹ್ಯಾಂಡಲ್‌ಗಳು ಪ್ರಯಾಣದ ಅನುಭವವನ್ನು ಇನ್ನಷ್ಟು ಆಹ್ಲಾದಕರವಾಗಿಸುತ್ತವೆ.
ಹಿಂಭಾಗದಲ್ಲಿ ಮರುವಿನ್ಯಾಸಗೊಳಿಸಲಾದ ಬಂಪರ್, ನವೀಕರಿಸಿದ LED ಟೈಲ್ ಲ್ಯಾಂಪ್‌ಗಳು, ಹೊಸ ಸ್ಕಿಡ್ ಪ್ಲೇಟ್ ಮತ್ತು ಸೊಗಸಾದ ಟೈಲ್‌ಲ್ಯಾಂಪ್ ಕನೆಕ್ಟಿಂಗ್ ಎಂಬೆಲ್ಶರ್ ಇವೆ. ರೆನಾಲ್ಟ್ ಹೇಳುವಂತೆ, ಈ ಹೊಸ ಟ್ರೈಬರ್ ಒಟ್ಟು 35 ಹೊಸ ಫೀಚರ್‌ಗಳನ್ನು ಹೊಂದಿದ್ದು, ರೆನಾಲ್ಟ್ ಅಡಿಯಲ್ಲಿ ಇಷ್ಟೊಂದು ವೈಶಿಷ್ಟ್ಯಗಳೊಂದಿಗೆ ಬಿಡುಗಡೆಯಾದ ಮೊದಲ ಕಾರು ಇದಾಗಿದೆ!
ಇದನ್ನೂ ಓದಿ: 6 ಲಕ್ಷಕ್ಕೆ 5 ಸೀಟರ್ ಕಾರು, 5-ಸ್ಟಾರ್ ರೇಟಿಂಗ್, ಮೈಲೇಜ್ 20 ಕಿ.ಮೀ! ಕಡಿಮೆ ಬಜೆಟ್‌ನಲ್ಲಿ ಹೆಚ್ಚು ಸುರಕ್ಷತೆ!
ಹೊಸ ರೆನಾಲ್ಟ್ ಟ್ರೈಬರ್‌ನ ಪ್ರಮುಖ ಹೈಲೈಟ್ ಎಂದರೆ ಅದರ ಅತ್ಯುತ್ತಮ-ಇನ್-ಕ್ಲಾಸ್ ಮಾಡ್ಯುಲರ್ ಸೀಟಿಂಗ್. ಇದನ್ನು 5, 6, ಅಥವಾ 7-ಸೀಟರ್‌ಗಳಾಗಿ ಕಾನ್ಫಿಗರ್ ಮಾಡಬಹುದಾದ 3ನೇ ಸಾಲಿನ ಈಸಿ-ಫಿಕ್ಸ್ ಸೀಟ್‌ಗಳನ್ನು ಹೊಂದಿದೆ. ಇದು 625 ಲೀಟರ್‌ಗಳವರೆಗಿನ ದೊಡ್ಡ ಬೂಟ್ ಸ್ಪೇಸ್‌ನೊಂದಿಗೆ ಕುಟುಂಬದವರ ಅಗತ್ಯಗಳನ್ನು ಪೂರೈಸುತ್ತದೆ.
ಸುರಕ್ಷತೆಯ ವಿಷಯದಲ್ಲೂ ರೆನಾಲ್ಟ್ ರಾಜಿ ಮಾಡಿಕೊಂಡಿಲ್ಲ. ಹೊಸ ಟ್ರೈಬರ್ ಈಗ 6 ಏರ್‌ಬ್ಯಾಗ್‌ಗಳು, ಇಎಸ್‌ಪಿ, ಟಿಪಿಎಂಎಸ್ (ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್), ಬ್ರೇಕ್ ಅಸಿಸ್ಟ್‌ನೊಂದಿಗೆ ಇಬಿಡಿ (ಎಲೆಕ್ಟ್ರಾನಿಕ್ ಬ್ರೇಕ್‌ಫೋರ್ಸ್ ಡಿಸ್ಟ್ರಿಬ್ಯೂಷನ್) ಸೇರಿದಂತೆ 21 ಪ್ರಮಾಣಿತ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಜೊತೆಗೆ, ಫ್ರಂಟ್ ಪಾರ್ಕಿಂಗ್ ಸೆನ್ಸರ್‌ಗಳೂ ಲಭ್ಯವಿದೆ, ಇದು ಪಾರ್ಕಿಂಗ್ ಅನ್ನು ಇನ್ನಷ್ಟು ಸುಲಭಗೊಳಿಸುತ್ತದೆ.
ಹೊಸ ಟ್ರೈಬರ್ ಈಗ ಅಥೆಂಟಿಕ್, ಎವಲ್ಯೂಷನ್, ಟೆಕ್ನೋ ಮತ್ತು ಎಮೋಷನ್ ಎಂಬ ನಾಲ್ಕು ಹೊಸ ವೇರಿಯೆಂಟ್‌ಗಳಲ್ಲಿ ಲಭ್ಯವಿದೆ.
ರೆನಾಲ್ಟ್ ಟ್ರೈಬರ್ ಬೆಲೆ ವಿವರಗಳು (ಎಕ್ಸ್-ಶೋರೂಂ):
- Easy-R AMT (ಟಾಪ್ ಎಂಡ್): ರೂ. 9,16,995
- ಅಥೆಂಟಿಕ್: ರೂ. 6,29,995
- ಎವಲ್ಯೂಷನ್: ರೂ. 7,24,995
- ಟೆಕ್ನೋ: ರೂ. 7,99,995
- ಎಮೋಷನ್: ರೂ. 8,64,995
Deepa is an experienced health writer with seven years in the field. She excels in researching, analyzing, and developing authoritative content covering the latest in health news, wellness tips, and lifestyle insights. Alongside her expertise in health, Deepa also explores topics like automotive trends, sharing valuable information on cars, bikes, and how they impact daily living and well-being.
