ಕರ್ಸೋಗ್ ಬೆಟ್ಟಗಳ ಮಡಿಲಲ್ಲಿ ನೆಲೆಸಿರುವ ಹಿಮಾಚಲ ಪ್ರದೇಶದ ಚಂಡಿ ದೇವಿಯ ದೇವಾಲಯವು ತನ್ನದೇ ಆದ ರಹಸ್ಯಗಳನ್ನು ಹೊಂದಿದೆ. ಸಂಪೂರ್ಣವಾಗಿ ಮರದಿಂದ ನಿರ್ಮಿತವಾಗಿರುವ ಈ ಸುಂದರ ದೇವಾಲಯವು ಕರ್ಸೋಗ್‌ನಿಂದ ಶಿಮ್ಲಾಕ್ಕೆ ಹೋಗುವ ಮಾರ್ಗದಲ್ಲಿ ಸುಮಾರು 13 ಕಿಲೋಮೀಟರ್ ದೂರದಲ್ಲಿದೆ.
ಬಹಳ ಪುರಾತನವಾದ ಈ ದೇವಾಲಯದ ಬಗ್ಗೆ ಭಕ್ತರು ಅಪಾರ ನಂಬಿಕೆ ಮತ್ತು ಭಕ್ತಿಯನ್ನು ಹೊಂದಿದ್ದಾರೆ. ಅನೇಕ ನಿಗೂಢತೆಗಳನ್ನು ತನ್ನೊಡಲಲ್ಲಿ ಹುದುಗಿಸಿಕೊಂಡಿರುವ ಈ ದೇವಾಲಯವು ಹಿಮಾಲಯದ ಪ್ರಮುಖ ಆಕರ್ಷಣೆಯ ತಾಣವಾಗಿದೆ.
ಇಲ್ಲಿನ ಚಂಡಿ ದೇವಿಯ ವಿಗ್ರಹವು ಬಹಳ ಹಳೆಯದಾದದ್ದು. ದೇವಿಯು ತನ್ನ ಎಂಟು ಕೈಗಳಿಂದ ಭಕ್ತರಿಗೆ ದರ್ಶನ ನೀಡುತ್ತಾಳೆ. ಈ ಕಲ್ಲಿನ ವಿಗ್ರಹ ಮತ್ತು ದೇವಾಲಯದ ಬಗ್ಗೆ ಜನರಿಗೆ ಅಪಾರವಾದ ನಂಬಿಕೆ ಇದೆ. ಮಕ್ಕಳಿಲ್ಲದ ದಂಪತಿಗಳು ಇಲ್ಲಿಗೆ ಬಂದು ಪ್ರಾರ್ಥಿಸಿದರೆ ಸಂತಾನ ಭಾಗ್ಯ ಲಭಿಸುತ್ತದೆ ಎಂದು ಹೇಳಲಾಗುತ್ತದೆ. ಈ ದೇವಾಲಯದ ಇನ್ನೊಂದು ವಿಶೇಷತೆ ಎಂದರೆ, ಇಲ್ಲಿನ ದೇವಾಲಯದ ನಕ್ಷೆಯನ್ನು ಇರುವೆಗಳೇ ತಯಾರಿಸಿವೆ ಎನ್ನಲಾಗುತ್ತದೆ.
ಇದನ್ನೂ ಓದಿ: ಗೋಹತ್ಯೆ ಮಾಡುವವರು ಮುಂದಿನ ಜನ್ಮದಲ್ಲಿ ತಾವೇ ಗೋವಾಗಿ ಹತ್ಯೆ ಆಗುತ್ತಾರೆ
ಚಂಡಿ ದೇವಾಲಯದ ನಿಗೂಢ ಇತಿಹಾಸ
ದಂತಕಥೆಯ ಪ್ರಕಾರ, ಈ ದೇವಾಲಯದ ವಿನ್ಯಾಸವನ್ನು ಯಾವುದೇ ಮನುಷ್ಯನಿಂದ ರಚಿಸಲಾಗಿಲ್ಲ. ಬದಲಾಗಿ, ಇರುವೆಗಳ ಗುಂಪೇ ಇದನ್ನು ರೂಪಿಸಿದೆ ಎಂದು ಹೇಳಲಾಗುತ್ತದೆ. ಸ್ಥಳೀಯ ಕಥೆಗಳ ಪ್ರಕಾರ, ಮಾತಾ ರಾಣಿಯವರು ಸ್ವತಃ ಕನ್ಯೆಯ ರೂಪದಲ್ಲಿ ಕಾಣಿಸಿಕೊಂಡು, ಇರುವೆಗಳು ತಯಾರಿಸಿದ ನಕ್ಷೆಯನ್ನು ಅನುಸರಿಸಿ ದೇವಾಲಯದ ನಿರ್ಮಾಣ ಕಾರ್ಯವನ್ನು ಖುದ್ದಾಗಿ ವೀಕ್ಷಿಸಿದರು.
ದೇವಾಲಯದ ವಿನ್ಯಾಸದ ವಿವರಗಳನ್ನು ಅರ್ಚಕರಿಗೆ ಕನಸಿನಲ್ಲಿ ತಿಳಿಸಲಾಯಿತು ಮತ್ತು ದೇವಿಯೇ ಅವರಿಗೆ ಈ ಮಾಹಿತಿಯನ್ನು ನೀಡಿದಳು ಎನ್ನಲಾಗುತ್ತದೆ. ಅದರಂತೆಯೇ ಈ ದೇವಾಲಯವನ್ನು ನಿರ್ಮಿಸಲಾಗಿದೆ ಎಂದು ಹೇಳಲಾಗುತ್ತದೆ.
ಶತಮಾನಗಳಿಂದಲೂ ಭಕ್ತರು ದೂರದೂರುಗಳಿಂದ ಈ ದೇವಾಲಯಕ್ಕೆ ಭೇಟಿ ನೀಡುತ್ತಿದ್ದಾರೆ. ತಾಯಿ ಚಂಡಿಯ ಮೇಲೆ ಭಕ್ತರು ಅಪಾರವಾದ ನಂಬಿಕೆಯನ್ನು ಇಟ್ಟಿದ್ದಾರೆ. ಈ ದೇವಾಲಯದ ಕುರಿತಾದ ಒಂದು ಬಲವಾದ ನಂಬಿಕೆ ಎಂದರೆ, ಇಲ್ಲಿಗೆ ಬರುವ ಮಕ್ಕಳಿಲ್ಲದ ದಂಪತಿಗಳಿಗೆ ಖಂಡಿತವಾಗಿಯೂ ಸಂತಾನ ಪ್ರಾಪ್ತಿಯಾಗುತ್ತದೆ.
Sri Rama is a seasoned journalist with four years of experience, specializing in capturing and analyzing the latest news and trending stories. He brings extensive expertise in news collection, reporting, and interviewing across a broad spectrum of topics, including politics.
