ಮುಂಬೈನಲ್ಲಿ ಅಚ್ಚರಿಯ ಘಟನೆಯೊಂದು ನಡೆದಿದೆ. ಮನುಷ್ಯರಂತೆ ಸ್ಪಷ್ಟವಾಗಿ ಮಾತನಾಡುವ ಕಾಗೆಯೊಂದು ಕಾಣಿಸಿಕೊಂಡಿದ್ದು, ಇದನ್ನು ಕಂಡ ಸ್ಥಳೀಯರು ಮತ್ತು ಸಾಮಾಜಿಕ ಜಾಲತಾಣ ಬಳಕೆದಾರರು ಬೆರಗಾಗಿದ್ದಾರೆ. ಈ ಕಾಗೆಯು ಮನುಷ್ಯರಂತೆ ಸಂಭಾಷಣೆ ನಡೆಸುತ್ತಿರುವ ವಿಡಿಯೋ ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹರಡಿದೆ. ಈ ವಿಚಿತ್ರ ಘಟನೆಯು ಎಲ್ಲರ ಗಮನ ಸೆಳೆದಿದೆ.
ಮಹಾರಾಷ್ಟ್ರದ ಪಾಲ್ಘರ್ ಜಿಲ್ಲೆಯ ವಾಡಾ ಪ್ರದೇಶದಲ್ಲಿ ವಾಸಿಸುವ ಮಹಿಳೆಯೊಬ್ಬರು ಸಾಕುಪ್ರಾಣಿಯಾಗಿ ಬೆಳೆಸಿದ ಕಾಗೆಯೊಂದು ಅಚ್ಚರಿ ಹುಟ್ಟಿಸುವಂತೆ ಮನುಷ್ಯರಂತೆ ಮಾತನಾಡುತ್ತಿದೆ. ಈ ವಿಡಿಯೋದಲ್ಲಿ ಆ ಕಾಗೆಯು ಸ್ಪಷ್ಟವಾಗಿ “ಪಪ್ಪಾ ಐ ಲವ್ ಯೂ”, “ಪಪ್ಪಾ ಪಪ್ಪಾ”, ಮತ್ತು “ಪಪ್ಪಾ ಬಾರೋ” ಎಂಬಂತಹ ಪದಗಳನ್ನು ಉಚ್ಚರಿಸುತ್ತಿರುವುದನ್ನು ಕೇಳಿ ಸ್ಥಳೀಯರು ಆಶ್ಚರ್ಯಚಕಿತರಾಗಿದ್ದಾರೆ. ಈ ವಿಚಿತ್ರ ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ: ಕುಮಟಾದಲ್ಲಿ ‘ದೇವರ 2’ ಚಿತ್ರದ ಶೂಟಿಂಗ್: JR NTR ಗಾಗಿ ಬೃಹತ್ ಸೆಟ್ ಸಿದ್ಧ
ಮೂರು ವರ್ಷಗಳ ಹಿಂದೆ ತನುಜಾ ಮುಕ್ನೆ ಎಂಬ ಮಹಿಳೆಯವರು ತಮ್ಮ ತೋಟದಲ್ಲಿ ಗಾಯಗೊಂಡು ಬಿದ್ದಿದ್ದ ಕಾಗೆಯೊಂದನ್ನು ರಕ್ಷಿಸಿ ಆರೈಕೆ ಮಾಡಿದರು. ಅಂದಿನಿಂದ ಆ ಕಾಗೆಯು ಮುಕ್ನೆ ಅವರ ಮನೆಯ ಸದಸ್ಯನಂತಾಗಿದೆ. ಆಶ್ಚರ್ಯಕರ ಸಂಗತಿಯೆಂದರೆ, ಈ ಕಾಗೆಯು ಮನೆಯವರೊಂದಿಗೆ ಮನುಷ್ಯರಂತೆ ಸಂವಹನ ನಡೆಸುತ್ತದೆ. ಇದು ಆ ಪ್ರದೇಶದ ಜನರಲ್ಲಿ ಮತ್ತು ಪ್ರಾಣಿ ತಜ್ಞರಲ್ಲಿ ಕುತೂಹಲವನ್ನು ಕೆರಳಿಸಿದೆ. ಮನುಷ್ಯರಂತೆ ಮಾತನಾಡುವ ಈ ಕಾಗೆಯ ವಿಚಿತ್ರ ವರ್ತನೆ ಎಲ್ಲರ ಗಮನ ಸೆಳೆದಿದೆ.
ಇದನ್ನೂ ಓದಿ: ಸೂಟ್ ಕೇಸ್ ನಲ್ಲಿ ಕಾಂಗ್ರೆಸ್ ನಾಯಕಿಯ ಶವ ಪತ್ತೆ
Abhishek is an accomplished journalist with four years of experience in the media industry. He possesses extensive expertise in news collection, reporting, interviewing, and analyzing diverse contemporary issues, crafting engaging and informative content.
