32 ವರ್ಷಗಳಿಂದ ಕೈ ಎತ್ತಿರುವ ನಾಗಾ ಸಾಧು | ಮಹಾ ಕುಂಭಮೇಳ 2025

ಮಹಾಕುಂಭ ಮೇಳ (2025) 12 ವರ್ಷಗಳಿಗೊಮ್ಮೆ ನಡೆಯುತ್ತದೆ. ಮಹಾಕುಂಭ ಮೇಳ ಪ್ರಯಾಗರಾಜ್‌ನಲ್ಲಿ ನಡೆಯುತ್ತದೆ. ಈ ಪುಣ್ಯ ಕ್ಷೇತ್ರಕ್ಕೆ ಈಗಾಗಲೇ ದೇಶದ ವಿವಿಧ ಭಾಗಗಳಿಂದ ಸಾಧು ಸಂತರು ಆಗಮಿಸುತ್ತಿದ್ದಾರೆ. ಈ ಸಾಧು ಸಂತರಲ್ಲಿ ಹಲವರು ವೈಶಿಷ್ಟ್ಯಮಯ ವ್ಯಕ್ತಿತ್ವಗಳನ್ನು ಹೊಂದಿದ್ದಾರೆ, ಮತ್ತು ಪ್ರತಿ ಸಾಧು, ಅವರದೇ ಆದ ವಿಶೇಷತೆಗಳನ್ನು ಹೊಂದಿದ್ದಾರೆ.

ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿರುವ ಮಹಾಕುಂಭ ಮೇಳದಲ್ಲಿ ವಿಶಿಷ್ಟ ವ್ಯಕ್ತಿಯೊಬ್ಬರು ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಅವರೇ ಸಾಧು ಅಮರ್ ಭಾರತಿ. ವಿಶ್ವಶಾಂತಿಗಾಗಿ 32 ವರ್ಷಗಳಿಂದ ತಮ್ಮ ಬಲಗೈಯನ್ನು ಎತ್ತಿ ಹಿಡಿದಿರುವ ಈ ಸಾಧು, ‘ಊರ್ಧ್ವಬಾಹು’ ಎಂಬ ಹೆಸರಿನಿಂದಲೇ ಪ್ರಸಿದ್ಧರಾಗಿದ್ದಾರೆ.

ಅವರ ಈ ವಿಚಿತ್ರ ವ್ರತದ ಹಿಂದೆ ಆಳವಾದ ಆಧ್ಯಾತ್ಮಿಕ ಕಾರಣವಿದೆ. ಜಗತ್ತಿನಲ್ಲಿ ನಡೆಯುತ್ತಿರುವ ಹಿಂಸಾಚಾರವನ್ನು ಕಂಡು ಬೇಸತ್ತ ಅವರು, ವಿಶ್ವಶಾಂತಿಗಾಗಿ ತಮ್ಮ ಬಲಗೈಯನ್ನು ಎತ್ತಿ ಹಿಡಿಯಲು ನಿರ್ಧರಿಸಿದರು. ಅವರ ಈ ನಂಬಿಕೆಯನ್ನು ಅನುಸರಿಸಿ ಅವರ ಪಂಥದ ಇತರ ಸಾಧುಗಳು ಕೂಡ 25, 13 ಮತ್ತು 7 ವರ್ಷಗಳಿಂದ ತಮ್ಮ ಬಲಗೈಯನ್ನು ಎತ್ತಿ ಹಿಡಿದಿದ್ದಾರೆ.

ಮಹಾಕುಂಭ ಮೇಳದಲ್ಲಿ ಇನ್ನೊಬ್ಬ ವಿಚಿತ್ರ ವ್ಯಕ್ತಿಯೊಬ್ಬರು ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಅವರೇ ಛೋಟಾ ಬಾಬಾ ಎಂದು ಕರೆಯಲ್ಪಡುವ ಗಂಗಾಪುರಿ ಮಹಾರಾಜ್. ಕಳೆದ 32 ವರ್ಷಗಳಿಂದ ಒಂದು ಬಾರಿಯೂ ಸ್ನಾನ ಮಾಡಿಲ್ಲದ ಈ ಸಾಧು, ಈ ಬಾರಿಯ ಕುಂಭ ಮೇಳದಲ್ಲಿಯೂ ಪುಣ್ಯ ಸ್ನಾನ ಮಾಡುವುದಿಲ್ಲ ಎಂದು ಹೇಳಿದ್ದಾರೆ. ತನ್ನ ಒಂದು ಕೋರಿಕೆ ಈಡೇರುವವರೆಗೂ ಸ್ನಾನ ಮಾಡುವುದಿಲ್ಲ ಎಂಬ ವಿಚಿತ್ರ ವ್ರತವನ್ನು ಅವರು ಕೈಗೊಂಡಿದ್ದಾರೆ. ಆದರೆ ಆ ಕೋರಿಕೆ ಏನು ಎಂಬುದನ್ನು ಅವರು ಬಹಿರಂಗಪಡಿಸಲು ಇಷ್ಟಪಡುತ್ತಿಲ್ಲ.

ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿರುವ ಮಹಾಕುಂಭ ಮೇಳಕ್ಕೆ ದೇಶ-ವಿದೇಶಗಳಿಂದ ಭಕ್ತರು ಆಗಮಿಸುತ್ತಿದ್ದಾರೆ. ಕಾಮಾಕ್ಯ ಪೀಠದಿಂದ ಬಂದಿರುವ ಗಂಗಾಪುರಿ ಮಹಾರಾಜ್ ಅಥವಾ ಛೋಟಾ ಬಾಬಾ ಕೂಡ ಈ ಮೇಳದಲ್ಲಿ ಭಾಗವಹಿಸುತ್ತಿದ್ದಾರೆ. ಅವರು ಈ ಮೇಳವನ್ನು ‘ಆತ್ಮಗಳ ಸಂಗಮ’ ಎಂದು ಕರೆದಿದ್ದಾರೆ.

ಆದರೆ, ಮಹಾಕುಂಭದ ಪ್ರಮುಖ ಆಕರ್ಷಣೆಯಾದ ಶಾಹಿ ಸ್ನಾನದಲ್ಲಿ ಛೋಟಾ ಬಾಬಾ ಭಾಗವಹಿಸುವುದಿಲ್ಲ. ತಮ್ಮ ಒಂದು ವಿಶೇಷ ಕೋರಿಕೆ ಈಡೇರುವವರೆಗೂ ಸ್ನಾನ ಮಾಡುವುದಿಲ್ಲ ಎಂಬ ವ್ರತವನ್ನು ಅವರು ಹಲವು ವರ್ಷಗಳಿಂದ ಪಾಲಿಸುತ್ತಿದ್ದಾರೆ.

ಮಹಾ ಕುಂಭಮೇಳ ಎಷ್ಟು ವರ್ಷಕ್ಕೊಮ್ಮೆ ನಡೆಯುತ್ತದೆ

ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿರುವ ಮಹಾಕುಂಭ ಮೇಳವು ಭಾರತದ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಅತ್ಯಂತ ಪ್ರಮುಖವಾದ ಒಂದು. 45 ದಿನಗಳ ಕಾಲ ನಡೆಯಲಿರುವ ಈ ಮೇಳಕ್ಕೆ ದೇಶ-ವಿದೇಶಗಳಿಂದ ಲಕ್ಷಾಂತರ ಭಕ್ತರು ಆಗಮಿಸುತ್ತಿದ್ದಾರೆ. ಉತ್ತರ ಪ್ರದೇಶ ಸರ್ಕಾರದ ಅಂದಾಜಿನ ಪ್ರಕಾರ, ಈ ಬಾರಿ 40 ಕೋಟಿಗೂ ಹೆಚ್ಚು ಜನರು ಈ ಮಹಾಮೇಳದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆ ಇದೆ. ಪ್ರತಿ 12 ವರ್ಷಗಳಿಗೊಮ್ಮೆ ನಡೆಯುವ ಈ ಮಹಾಕುಂಭವು ಸಾಧು-ಸಂತರು ಮತ್ತು ಭಕ್ತರನ್ನು ಒಂದೆಡೆ ಸೇರಿಸುವ ಒಂದು ಅದ್ಭುತ ಸಮಾರಂಭವಾಗಿದೆ.